Christy's profileChristy在家千日好PhotosBlogListsMore  |  Tools Help |
|
|
December 16 Down with bronchitisI have been down with flu for the second time in two months.
June 19 Professor Philip Smart Yesterday, I was told that Professor Philip Smart passed away suddenly in the evening of 17 June 2008. How much I wished this was just another bad joke... Philip Smart taught me Business Associations, Companies Law and Private International Law. I must say I have enjoyed his lectures and tutorials a lot, and the general attendance of his lectures was quite high (that means something in the HKU context). I could have said more about how well he taught, but I am going to say just this - he was a very good teacher. My condolences to his family and friends... October 12 人生，就這麼無常嗎我有一位親戚，去年底吧，有一天忽然覺得頭暈得很嚴重，後來診斷出原來腦內有個8cm 大的腫瘤，公立醫院說她沒即時生命危險，手術要排期六個月。她家人為免延誤診治，安排了在私家醫院動了手術，把腫瘤割掉了，然後要做化療。我要到今年清明節跟親戚們碰面時，才知道這件事，那時，她還在化療中，但看來已經漸漸康復，氣色也不算差，也不算特別虛弱，她丈夫還笑說幸好腫瘤是原發性，割掉就好了。我還記得飲茶後，她還摸摸我的一把長髮，說很是羨慕... 我記得我知道這件事後很震驚，驚覺死亡原來可以這麼近，就這樣跟我所認識的人近近的擦身而過了。這事著實讓我好害怕，我怕死、怕病，更怕讓關心我愛我的人傷心; 我記得我去買了醫療保險和危疾保障; 我記得我告訴自己要好好珍惜我的親人和愛人(還有我的小狗)，還有要珍惜還算健康的身體...
不幸地，上個月，我媽被通知，我這位親戚因腦腫瘤復發，又再入院了，且醫生透露她大概只有不足一年的時間... 人，怎麼這麼「化學」 她就只30 多歲，就經已走到接近盡頭了嗎 她兒子才剛上小學，就這樣要接受可能很快會看不見母親了嗎 還有她的丈夫，他們結婚時、她懷著兒子時的情境，雖然跟他們不算是特別親近的親戚，卻仍彷如昨日發生地鮮明... 對於這樣的人生的無奈，我實在很難找個合理的理由去 process 它... 人生是不是由個別的偶然所組成的呢 我並不覺得是這樣，但這樣的事卻發生在他們身上，如果患原發性腦腫瘤真箇是純粹的運氣不好，那這樣的事或其他的事，或會在今天，明天或不知哪一天發生在我或哪個我認識或不認識的人身上，這不是太沒理由了嗎 我們就只能嘆句運氣不好嗎 越想，對於明天及以後的每一天的動力，活下去的勇氣甚麼的，都越變得好像無關宏旨了，反正，不幸，不是會無端和沒來由地降臨嗎我們的人生，就這麼無常嗎 June 07 上面炸天婦羅，下面養魚?http://www.reuters.com/news/video/videoStory?videoId=55646 無意中響路透社網站發現呢條link，好似係介紹一個日本新產品，一個高科技天婦羅炸鍋，上面用滾油炸緊天婦羅，下面d水可以養魚，d 天婦羅碎仲可以用來餵魚… 我唔太明白呢個鍋有咩好，淨係覺得好嘔心! 一來d水勁油，仲要養d魚響入面，咁d魚咪會好油囉? 我諗起果d被石油漿住晒0既海鷗同埋海洋生物呀! 二來，上面整野食下面養魚，咁d野食咪好唔衛生囉，養過魚0既人都應該知養魚d水好污糟架嘛，仲要響水面炸野俾我食…唔好啦卦… 好可怕呀，下面d天婦羅碎多到暈，d魚食唔滯都可能會活埋d魚，我真係唔明個產品有咩好囉… 雷雨今早七時多就被轟隆隆的雷聲吵醒，朦朧中看到窗外下著滂沱大雨。幸好出門上班時未有下雨，但天色昏暗，似乎今天的天氣都不會太好的了。 早兩天上天文台網站得知星期五及整個週末都會有雷雨，覺得很不是味兒，怎麼每逢休假，天氣都不好：尤其是上班日看見窗外蔚藍的天空，飄著幾朵白雲(很難得見到藍天白雲的哦，想想香港的空氣質素!)，天氣好得不得了，人卻偏偏被困在辦公室裡… 下午出外午餐前，再上了天文台的網站看看下午天氣預測，赫然發覺七天天氣預告變成這個樣子(下圖)，那是說，不單星期五及整個週末都會有雷雨，而是未來七天都會有雷雨嗎??? 這個七天天氣預告很壯觀…
March 26 木頭人找尋塗改液事件話說木頭人響office 搵塗改液搵唔到，就走去問秘書姐姐，以下係佢地0既對話： 木頭：「我想問塗改液響邊度？」 秘書姐姐：「打字機果度。」 木頭：「(驚)打字機邊度話？」 秘書姐姐：「打字機下面！」
拿，唔關我事架，我負責將件事「打」出0黎咋~ January 29 我電0左髮呀我咁大個女都未電過髮，上星期終於下定決心去電髮啦! 電了髮，總覺得自己的樣子怪怪的，很不習慣自己的新形象，好朋友更問我受了甚麼刺激~ 不過電出來的效果幾好，wavy 得來幾自然，現在都開始接受都自己的樣子啦~ 當然，木頭人見了我的新形象，訝異是少不免的，因為我沒有告訴他我要電髮，以免他阻止/打沉我的決心！ 現在電0左髮，每朝都要早3個字起床服侍個頭，對於超爛訓的我來說都幾痛苦。 不過，為了新形象，我會努力堅持的! December 22 十週年上個月，是我跟木頭人的十週年相識紀念，今天，是我們的十週年紀念。 由於大家太忙，相信都不會有甚麼特別的慶祝了，而且大家都要回家做節，做節後又要繼續為搬家執拾雜物，今晚應該要在撿撿拾拾之中渡過啦~ 搬家這個blog 好久沒寫了，整個12月我都很忙很忙：在公，12月我有一個project 上市，有另一個project 要入Form A1，本來更有另一個project 要簽協議的，幸好現在推遲了一點才簽；在私，我要搬家啦，在執拾了3個多星期後，昨晚終於搬了進新家，開展2人1狗的新生活。要搬離住了7年多的舊居，實在有點不捨… 西營盤靜中帶旺，是個頗有特色的小社區，我想，我會懷念這裡的…讓我選的話，他日我還是會搬回港島區的。 新居環境很好，早上醒來，滿室陽光，朝氣勃勃的樣子，很愜意。 小狗對於搬家很不安呢，現在她正努力適應中，希望她也喜歡新居吧! November 08 偷懶、熨斗好耐冇寫Blog 啦，原因當然係懶~ 另一原因就係因為冇乜特別事情發生，每日0既節目就係返工－放工－食飯－返屋企－訓覺，又或者係更慘0既返工－叫外賣－放工－返屋企－訓覺。 忙就係忙D，不過好彩呢排唔太駛捱夜(touchwood!)，都不至於太慘。遲一排就唔知啦，D野全部排晒響12月中，我諗下都覺得頭暈… 前排我屋企個熨斗壞0左，老媽買0左個新0既俾我。用0左一排，我近來先發覺呢個新熨斗…個名…好有問題! 點會改個咁0既名架?定係製造商想憑個名 disclaim 晒所有product liability? August 25 最近動態一個字 － 忙! 唔知點解樣樣野一係唔郁，一郁就所有野一齊郁，個個淨係識催，隔幾個鐘就打0黎催你一次。救命，家下我淨係服侍你一個咩，我得一雙手一個腦，做得幾多先得架!
最慘就係有d人，全世界都知係 Mission Impossible，得佢一個唔知，但係個個都唔想做話俾佢知果個，於是就玩以快打快，有咩0黎到，就要即刻掉低手頭上0既0野，做完佢果樣，即刻circulate 出去，拋返個波俾人，make sure the ball is not in 自己個 court，唔好背黑鑊! 咁樣真係好鬼辛苦…
我知呻係冇用，都係呻下0者… 我都慣架啦… August 18 木頭人，謝謝你這是好幾個禮拜前的事了。
凌晨6時，電話響起，吵醒了熟睡中的我。「喂? (到底是誰這麼早?如果是宣傳電話或是我那些不通氣的、辰時卯時都會打電話給我客戶，我可不客氣了!)」「是我。」噢，是木頭人。「我在急症室。我半夜肚子痛得受不了，自己乘車入來的。不用擔心，打了針就會好的了。」我當場清醒了大半，「要不要我過來? … 怎會這樣呢? 你吃過的我都有吃，為甚麼我沒事?」木頭人說:「不知道啊，不過不要過來啦，我打了針就好，我回家後打給你吧。」
木頭人病了要在家休息，我趁著午飯時間去看他。病了的木頭人看起來精神萎靡，叫人心痛。幸好，他不到幾天就很快的痊癒了。
平日是木頭人常常照顧我，但在他病了的那幾天，就反過來要由我照顧。忽然發覺，要把對方好好照顧，其實並非易事。
木頭人，謝謝你。 August 15 我病了昨日下午開始就感到渾身不自在，頸痛、背痛、頭也痛，吃了止痛藥也無補於事。後來開Teleconference 時摸摸頸側耳後的位置，發現有一粒淋巴腫了起來(雖然喉嚨沒有痛的感覺)，心中暗叫不妙… 捱至下午6時多，覺得頭很沉重，人也昏昏沉沉起來，於是只得伏在桌上小睡一會。到醒來時，已差不多晚上8時，本打算回家休息，但手頭仍有未完的工作，走不了。撐著頭痛，勉力完成工作，總算在10時左右完成。回家後，感覺頭痛欲裂，然後，就是感到很熱。因為頭太痛，又覺得很熱，輾轉反側睡不著，後來不知怎地終於迷迷糊糊睡去… 今早醒來，感到冷氣挺冷的，才想起我在公司的時候，一直覺得很冷，回家後又覺得很熱，一定是發燒了! 幸好今早雖然覺得有點虛弱，但應該沒有發燒，於是，當然是上班去啦，「唔駛做咩!」。 July 22 法證先鋒前排無線播0左一個好似叫法證先鋒0既劇集，我返媽媽屋企食飯時略略睇過下。已經好耐冇睇無線d劇集，因為真係好無聊。上星期日出camp後，返0左自己屋企蒙頭大睡，醒0左就無無聊聊睇電視，撞0岩佢大結局，咁就睇下啦。
一向都對呢齣劇冇好感，皆因再早一排睇預告片時，佢成個勢都係抄CSI 0既，連d對白都抄埋: 法證先鋒：「我地跟住證據走…」 vs. CSI: “We follow the evidence.”
法證先鋒：「證據係唔會講大話0既…」 vs. CSI: “Every one lies, the evidence won’t.”
睇緊大結局0既途中，木頭人忽然話：「唔係嘛，唔駛抄成咁下嘛?」其時0岩0岩睇到毆陽震華被擄走果幕。連木頭人都知佢抄CS I 0既某一集(內容大致上係有個人要為個女報仇，擄走0左一個CSI人員，將佢困住響地底一個透明箱入面，用個webcam 影住佢，到CSI d 人搵到個犯，佢就炸死自己…) 爛成咁，叫人點睇?
連阿木頭人都話，我都可以去做電視台d編劇，因為我應該比果d爛鬼編劇睇得更多外國0既電視劇集… July 11 個心好唔舒服由於世界杯決賽當晚剛剛出camp，累得半死，迷迷糊糊睡去後，醒來已踢到60幾分鐘，無緣見到兩球精彩0既入球。後來Zidane 咁靚個頭搥又唔入，真係可惜！最後仲見住佢被紅牌趕出場，真係心翳．．．
跟住再睇落去，心情都真係好沉重，好難過．．． July 06 冇心機就係一個輸得唔抵0既12碼, 就咁輸埋俾法國, 激氣!
法國, 你踢走0左Spain 又踢走埋 Portugal, 我嬲0左你啦! 哼!
決賽, 我捧Italy啦唯有! 雖然心底裡都好想我好欣賞0既施丹光榮退休... July 03 世界盃星期六晚至星期日凌晨，感謝OR的食友安排好了場地睇波，我淨係帶個人去就得，好鬼輕鬆！頭場英格蘭對葡萄牙，我捧葡萄牙！好高興葡萄牙順利勝出入四強！其實我都唔係特別討厭英格蘭，不過因為葡萄牙有Figo，咁…所以…要捧葡萄牙囉！下半場葡萄牙11個打10個人都入唔到波，踢埋加時仲要踢12碼，真係一額汗，到踢12碼時，我個心仔卜卜聲亂咁跳… 不過到最後我見C. Ronaldo 好有信心去踢最後果球12碼，仲真係入埋，實在高興到唔知講咩好…!
巴西對法國果場就慘啦，睇住巴西輸，真係心都翳埋。最後四強冇巴西，硬係覺得世界盃唔似世界盃…法國…對佢真係又愛又恨，對巴西佢確實係踢得好，Henry 入果球真係靚(不過我覺得係越0左位囉，哼!)，施丹真係好波(好到係只要佢[手羅]0左波，你唔踢佢隻腳係唔會爭得到…)，但係!佢地係踢0左我至愛0既西班牙出局果隊，哼!我嬲!
由於踢12碼時叫得太落力，到0左今日把聲仲係霎霎地，有d磁性咁，希望唔會又喉嚨痛啦! |
|
|
